Félagið

Akko (Ptólemais, Acre): Hafnarborg og virkisborg á strönd Miðjarðarhafsins. Páll postuli lauk hér sjóferð og dvaldi einn dag (Post. 21:7).

 
Afek (Antípatris): Filistar taka sáttmálsörkina herskildi (1. Samúelsb. 4:1-11). Páll postuli dvelur hér sem fangi Rómverja (Post. 23:31).

 
Ajalondalur: Hér skipaði Jósúa sól og tungli að staðnæmast, þar til sigur var unninn á Amorítum. (Jósúabók 10:12-13).

 
Asdód (Ashdod): Hafnarborg við Miðjarðarhafið. Filippus kemur til Asdód, eftir að hafa boðað hirðmanninum frá Eþíópíu fagnaðarerindið (Post. 8:40).

 
Beerseba (Beer Sheba): Abraham gerir hér bandalag við Abímelek og grefur brunn (Beer Sheba = Svardagabrunnur), (1. Mósebók 21:31). Ísak endurnýjar sáttmálann við Abímelek (1. Mósebók 26:33).

 
Betlehemsvellir (Beit Sahur): Arfsögnin segir að englarnir hafi hér flutt fjárhirðunum tíðindin af fæðingu Frelsarans (Lúkas 2:8-11). Rut og Bóas (Rutarbók).

 
Betanía: Þorp við Olíufjallið. Heimabær Mörtu, Maríu og Lasarusar (Lúkas 10:38-42, Markús 11:11, Jóhannes 11:1-44).
 

 
Þorpið Beitin. Talið standa á
 sama stað og Betel Biblíunnar.
Betel (Betel = Guðs hús): Jakobsstiginn (1. Mósebók 28:10-22). Sáttmálsörkin var hér allengi (Dómarabókin 20:26-27og 21:2 , 1. Mósebók 31:13, 1.Konungabók 13:11-33, 2. Konungabók 2:1-4).

 
Betesdalaug: Jesús læknar lamaðan mann (Jóhannes 5:1-9).

 
Málverk í kirkju í Betfage af innreið Jesú í Jerúsalem
Betfage(Bethpage): Þorp á Olíufjallinu. Innreið Jesú í Jerúsalem (Matteus 21:1-9).

 
Betlehem (Betlehem = Brauðhús Guðs): Gröf Rakelar er nálægt Betlehem (1. Mósebók 35:18-19). Fæðingarstaður Jesú Krists (Lúkas 2:1-5).

 
Betsaída: Bær við strönd Galíleuvatns. Jesús fer með lærisveinana hingað, svo að þeir geti verið einir saman (Lúkas 9:10). Jesús talar út dómsorð um Betsaída og Korasín. (Matt. 11:20-21, Lúkas 10:13).

 
Dauðahafið (Saltisjór): Abraham sigrar konungana í Sódómu og Gómorru (1. Mósebók 14). Eyðing Sódómu og Gómorru (1. Mósebók 19).

 
Eilat - Aqaba í baksýn
Eilat (Elat, Elót, Esjón Geber): Ísraelsmenn settu hér upp búðir sínar á ferð sinni frá Egyptalandi (1. Mósebók 33:35-36). Siglingar voru stundaðar frá Elat og Esjón Geber við Aqabaflóa (1. Kon. 9:26, 2.Kron. 8:17, 2.Kron.20:36).

 
Emmaus (Amwas, Qubeibeh, Abu-Gosh): Jesús upprisinn, slæst í för með lærisveinunum (Lúkas 24:13-35, Markús 16:12-13).

Engedí (Haseson Tamar): Gróðurvin við Dauðahafið. Davíð felur sig hér í helli (1. Samúelsbók 24). Móabítar og Ammónítar fara yfir Dauðahafið gegn Jósafat konungi í Júda (2. Kroníkubók 20:1-3).

Ein Kerem (En-Kerem, Ein-Karem): Þorp, stutt frá Jerúsalem. Talið er að foreldrar Jóhannesar skírara hafi búið hér (Lúkas 1:5-24 og 1:57-80).

Fornleifauppgröftur í Ekron(Tel Miqne)           
Ekron: Filistar senda örk Guðs til Ekron (1. Samúelsbók 5:10).

 
Galíleuvatn (Tíberíasvatn, Kinneret): Vatnið er 200 m undir sjávarmáli. Jesús lægir storminn (Matteus 8:23-27). Jesús fer út í bát Péturs og kennir mannfjöldanum (Lúkas 5:1-3).

 
Gilbóafjall: Fjallaklasi meðfram Jezereel sléttu. Filistar sigra Ísraelsmenn og Sál fellur (1. Samúelsbók 31).

 
Rústir Hasór úr lofti.
Hasór: Stærsta borg Kanaaníta. Jósúa sigraði og brenndi borgina (Jósúabók 11:10-11).

 
Moska yfir Makpelahelli í Hebron.
Gröf Abrahams, Söru, Ísaks, Jakobs, Rebekku og Leu
Hebron (Kirjat Arba): Abraham settist að í Mamrelundi (1. Mósebók 13:18). Abraham kaupir Makpelaland og gerir Makpelahelli að gröf fyrir Söru (1. Mósebók 23). Abraham jarðaður í Makpelahelli (1. Mósebók 25:1-11).

Jakobsbrunnur: Jesús og samverska konan við brunninn (Jóh. 4:5-26).

 
Jenín (En-Ganim): Hugsanlegt er talið að frásögnin af því, þegar Jesús læknar 10 líkþráa, hafi átt sér stað í Jenín (Lúkas 17:11-18).

 
Jeríkó: Fyrsta borgin sem féll í hendur Jósúa (Jósúa 6:1-27). Jesús læknar Bartímeus hinn blinda (Markús 10:46-52).

Jerúsalem: Davíð konungur lagði borgina undir sig um 1.000 f.Kr. Salómon konungur byggði Guði musteri í Jerúsalem. Nebúkadnesar Babelkonungur lagði musterið í rúst. Musterið var síðar endurbyggt undir forystu Esra og Nehemía. Heródes mikli, endurbyggði og stækkaði musterið. Títus herforingi Rómverja lagði Jerúsalem og musterið í rúst, árið 70. e.Kr.
 
Leifar af borgarmúr Davíðs í Jerúsalem

Davíð konungur tekur Jerúsalem og gerir hana að höfuðborg ríkisins (2. Samúelsbók 5:6-10). Jerúsalem fellur fyrir Nebúkadnesar (2. Konungabók 25:1-6). Kýrus konungur veitir Gyðingum heimfararleyfi og mælir fyrir um endurbyggingu musterisins í Jerúsalem (2. Kroníkubók 36:22-23, Esrabók). Borgin helga (Nehemía 11:1). Jesús segir fyrir um eyðileggingu Jerúsalem (Lúkas 21:20).

- Móríafjall (Musterishæðin): Salómon konungur byggir hér Guði musteri (2. Kroníkubók 3:1). Nebúkadnesar eyðileggur musterið (2. Konungabók 25:8-17). Endurbygging musterisins, (Esrabók 6).

- Olíufjallið: Jesús fræðir lærisveinana um endurkomu sína og endalok veraldar (Matteus 24). Jesús spáir eyðileggingu musterisins (Markús 13:1-3). Bænastríð og þjáning Jesú í Getsemane (Matteus 26:36-46). Jesús stígur til himins (Lúkas 24:50-51, Postulasagan 1:6-12).

   - Síon (Notað sem samheiti yfir Jerúsalem og Ísraelslýð).

- Síonfjall: Hæð í Jerúsalem. Davíð tekur vígið Síon (2. Samúelsbók 5:7).

 
Joppe (Jaffa): Hafnarborg á strönd Miðjarðarhafs. Jónas fer um borð í skip á leið til Tarsis (Jónas 1:3). Pétur reisir upp látna konu (Post. 9:36-42). Pétur sér sýn (Post. 11:5).

 
Jórdan: Á sem rennur frá Hermonfjalli í Galíleuvatn og síðan úr Galíleuvatni í Dauðahafið.  Ísraelsmenn ganga þurrum fótum yfir Jórdan (Jósúa 3:17).
Jóhannes skírari skírir fólk í ánni Jórdan (Jóhannes 1:28). Skírn Jesú Krists (Markús 1:9-11)

Kana í Galíleu: Hér framkvæmir Jesú fyrsta táknið (Jóh. 2:1-12)

 
Kapernaum (Kefar Nahum): Helsta bækistöð Jesú og lærisveinanna í Galíleu (Matteus 4:13, Lúkas 4:31, Lúkas 10:15, Jóh. 6:16-24).

 
Minnismerki um Elía spámann á Karmelfjalli
Karmelfjall: Hér störfuðu spámennirnir Elía og Elísa (1. Kon. 18:19-20, 2. Kon. 4:25).

 
Kirjat Jearím: Davíð konungur, flytur örk Guðs til Jerúsalem (1. Kron. 13:5).

 
Kísonlækur: Lækur við rætur Karmelfjalls. Spámenn Baals teknir af lífi (1.Kon. 18:40).

 
Korasín: Bær við strönd Galíleuvatns. Jesús talar út dómsorð um Betsaída og Korasín. (Matt. 11:20-21, Lúkas 10:13).

 
Ben Gurion flugvöllur er í útjaðri Lýddu
Lýdda (Lod): Pétur læknar Eneas og boðar trú á Jesú (Post. 9:32-38).

 

Leifar af höfninni í Magdala
Magdala: Að öllum líkindum heimabær Maríu Magdalenu (Lúkas 8:1-2).

Mamre (Sjá Hebron):

 
Rústir Megiddo
Megiddo (Har Megiddo, Harmagedón): Virkisborg Salómons konungs (1.Kon. 9:15). Orustan við Harmagedón, (Opinb. 16:16).

 
Móríafjall (Musterishæðin): Sjá Jerúsalem.

 
Nain: Jesús reisir son ekkjunnar upp frá dauðum (Lúkas 6:11-15).

 
Nasaret: Bær í Galíleu þar sem fjölskylda Jósefs og Maríu bjó ásamt Jesú. Boðun Maríu (Lúkas 1:26-33). Heimkoman til Nasaret (Lúkas 2:39). Jesús predikar í synagógunni í Nasaret (Lúkas 2:15-19).

 
Olíufjallið: Sjá Jerúsalem.

 
Sesarea og Saronsléttlendið
Saronvellir: Ljóðaljóðin 2:1. Jesaja 35:2.

 
Sesarea: Hafnarborg við Miðjarðarhaf, byggð af Heródesi mikla. Filippus boðar hér trú á Jesú (Post. 8:40). Páll postuli siglir til Tarsus (Post. 9:30). Skírn Kornelíusar hundraðshöfðingja (Post. 10).

 
Sesarea Filippí (Banías): Játning Péturs (Matt. 16:16-17, Mark. 8:27-29).

 
Síkem og Garísímfjall
Síkem (Síkar, Nablus, Balata): Abraham hefur hér viðdvöl á leiðinni frá Úr í Kaldeu (1. Mósebók 12:6).  Jakob sest að hjá Síkem (1. Mósebók 33:18-20)

Síonfjall: Sjá Jerúsalem.

 
Tíberías: Borg við Galíleuvatn. Upphaflega byggð af Heródesi Antípas. Fólkið leitar að Jesú og lærisveinunum (Jóh. 6:22-25).