Félagið

Laufskálahátíð í
Jerúsalem
————————————————————————————————————————————

Laufskálahátíðin er ein af þremur aðalhátíðum Biblíunnar, ásamt Páskum og Hvítasunnu.
Kristna sendiráðið í Jerúsalem hefur sl.  23 ár, skipulagt ráðstefnu og hátíðahöld í tilefni af Laufskálahátíðinni í Jerúsalem, fyrir Kristið fólk víðsvegar að úr heiminum. 

		Á Laufskálahátíðinni, gefst Kristnu fólki frá hinum ýmsu þjóðum tækifæri til þess að hittast, taka þátt í hátíðahöldunum og vera vitnisburður um það, að til eru Kristnir einstaklingar víðsvegar í heiminum sem  elska skapara sinn — Ísraels Guð, taka orð Biblíunnar varðandi Ísrael bókstaflega og vilja blessa ísraelsku þjóðina í orði og verki. Ólafur Jóhannsson hefur starfað fyrir Kristna sendiráðið og  er fulltrúi þess á Íslandi. Hann hefur skipulagt hópferðir Íslendinga í mörg ár, til þess að taka þátt í Laufskálahátíðinni í Jerúsalem. Hátíðahöldin bar að þessu sinni, upp á dagana 10. - 18. október.
	Kristna sendiráðið

———————————————————————————————————————————————————————

	Flogið var fimmtudaginn 9. október frá Keflavík til Tel Aviv með viðkomu í London. Frá Ben-Gurion flugvelli var ekið til Jerúsalem og komið þangað snemma morguns 10. október.

Útsýni til Suðurs yfir Jerúsalem
———————————————————————————————————————————————————————
 

Laugardaginn 11. október var síðan ekið til En Gedi við Dauðahafið, þar sem hátíðahöld Laufskálahátíðarinnar hófust. Þar komu saman á 4. þúsund manns frá tæplega 100 löndum. Þar var borðuð máltíð og við tókum þátt í mikilli lofgjörð og dansi..

———————————————————————————————————————————————————————
 

	Ariel Sharon

Sunnudagskvöldið 12. október var opnunarhátíðin  í ráðstefnuhöllinni í Jerúsalem. Gestur kvöldsins  var Ariel Sharon forsætisráðherra Ísraels, sem  bauð hátíðargesti hjartanlega velkomna.
           
              Ávarp Ariel Sharon
 

Fulltrúar Íslands  komu upp á svið, um leið og íslenski fáninn birtist í ljósadýrð. 

—————————————————————————————————————————————————————

   Næsta dag dag var ekið um borgina Jerúsalem,
m.a. ókum við upp á Olíufjallið.

Hópurinn á Olíufjallinu, Jerúsalem í baksýn Gengum svo niður í Getsemanegarðinn og minntumst þeirra miklu atburða sem þar áttu sér stað í lífi Jesú. Þaðan ókum við upp að Zíonshliði og gengum inn fyrir múra gömlu Jerúsalem. Þar skoðuðum við Vesturmúrinn, krossfestingarkirkjuna og fleiri staði.

———————————————————————————————————————————————————————
 

		Eftir hádegi þriðjudaginn 14. október hófst hin árlega Jerúsalem ganga, þar sem 17.000 manns bæði gyðingar og Kristnir arabar ásamt Kristnum þátttakendum frá tæplega 100 löndum gengu um götur Jerúsalem. Þetta er ógleymanlegur dagur, þar sem þúsundir af eldri sem yngri íbúum Jerúsalem buðu okkur velkomin.
Beðið eftir að gangan hefjist

	Gangan hafin

———————————————————————————————————————————————————————
 

Næsta dag var byrjað á því að heimsækja Skóla vonarinnar í Beit Jala, sem Kristnir Ísraelsvinir hafa stutt í mörg ár.

Arabískir nemendur sem íslendingar styðja til náms

Þaðan var ekið til Ein Kerem og skoðuð kirkja sem kennd er við fæðingu Jóhannesar skírara. Á leiðinni til baka, var skoðuð styttan af ljósastikunni fyrir utan þinghúsið.

Styttan af ljósastikunni við þinghúsið

————————————————————————————————————————————————————

	Daginn eftir var farið suður í land. Þar var skoðað hið fræga fjallavirki Masada.
	Útsýni frá Masada yfir suðurenda Dauðahafsins
	Eftir það gafst fólki tækifæri til að liggja á Dauðahafinu, en þar er ekki hægt að sökkva. ————————————————————— Næsti dagur var tekinn rólega, en um kvöldið snæddum við saman kvöldverð á arabískum veitingastað fyrir innan múra Jerúsalem.

———————————————————————————————————————————————————————

		Daginn eftir var vaknað snemma og ekið norður í land, til borgarinnar Nasaret í Galíleu. Þar skoðuðum við hina fallegu kirkju, þar sem sagt er að engillinn Gabríel hafi opinberast Maríu. Síðan var ekið til Galíleuvatns og ekið upp á hæð, þar sem sagan segir að Jesús hafi mettað 5.000 menn. Eftir það var ekið til Kapernaum, þar sem Jesús gerði mörg af sínum þekktustu kraftaverkum.
		Hópurinn í rústum synagógunnar í Kapernaum
		Síðan ókum við austur fyrir Galíleuvatn og komum að samyrkjubúi sem heitir Ein Gev. Þar snæddum við máltíð og þaðan var siglt á vatninu í einn klukkutíma.
		Lagt upp í bátsferð á Galíleuvatni við Ein Gev
		Eftir þetta ókum við suður fyrir Galíleuvatn, að ánni Jórdan, þar sem tveir í hópnum létu skírast niðurdýfingarskírn.
		Ólafur skírir í Jórdan
		Aftur skírt í Jórdan
		Næsta dag notuðu þátttakendur til að skoða sig um og versla í Jerúsalem.

———————————————————————————————————————————————————————

		Næst síðasti dagurinn í Jerúsalem, var notaður til að skoða svokallaðan Gordon Golgata garð, en margir álíta að hann sé sá staður þar sem Jesús hafi verið krossfestur. Í garðinum er hin fræga tóma gröf. Í þessum garði minntumst við dauða og upprisu Jesú Krists, með kvöldmáltíð.
	Hilmar staðfestir að gröfin er tóm!

———————————————————————————————————————————————————————
Þátttakendur notuðu síðasta daginn í Jerúsalem til að skoða mismunandi staði í borginni. Sumir skoðuðu Dauðahafshandritin, aðrir gengu um Via Dolorosa o.fl. Um kvöldið var farið snemma að sofa, því allir þurftu að vakna kl. 3 um nóttina og aka til Ben Gurion flugvallar við Tel Aviv og þaðan var flogið heim.